XX. mendeko Euskararen Corpus estatistikoa

Testuingurua

Monserrat artan jarri zan gero
sinismena indartuta,
jango bazuan eskatutzera
arkitzen zan beartuta;
peregriñaren izena zegon
biotz askotan sartuta,
Jerusalen da Erroman miñez
zeukan biotza lertuta,
bide ortantxe irten zan gero
itxas ontzia artuta.

Erromaraiño eldu zan gero
bidaia artan barrena,
auspezturikan agurtu zuan
Adriano seigarrena.

Jerusalena joateko naia
agertu zion aurrena,
peregriñaren bidai-txartela
eskatu zion urrena,
Aita Santuak bai eman ere
txartela eta baimena.

Erromatikan Beneziara
peregriña jun zan oiñez,
baiña portua itxita zegon
izurrian eragiñez.

Iñigorentzat zer buru-auste,
noiz irtengo zan jakiñ ez!
Bi illabete an ibili zan
bertan eskean egiñez,
Jerusalena noizbait eldu zan
sinismenak eragiñez.